منتديات طلاب الجامعات العربية

مرحبا بكم في منتديات طلاب جامعات العربية
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 نكات تحشيشية لا تفوتكم والله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رحاب

avatar

عدد المساهمات : 23
تاريخ التسجيل : 29/11/2008

مُساهمةموضوع: نكات تحشيشية لا تفوتكم والله   الأربعاء ديسمبر 10, 2008 10:50 pm

سمعوا هاي الحزورة واليفتهم يحلهه: فد يوم 3 بزازين ديعوعون علة فيل ديمشي ع الحايط بصفهم كنغر ديطير ركض بلمي ..السؤال:ماهو النبات المفقود

دعاء كردي في رمضان اللهم لك سمت وتمر اكلت وشوربه شبعت وباجر اسوم أذا كدرت

قال الشاعر الحشاش .. حبك يابعد الروح سوالي مشاكل اشوي كباب يطلع فلافل ..اربي دجاج يطلع بلابل ..اعيط ابفاتحه
تطلع هلاهل

جلال الطالباني يكول ؟ لاتخاف من الموت بالسيف اذا ما تموت بالسيف تموت بلشتاء هع هع هع

بو بريص من نجا محاولة اغتيال بعد ان فتح النار علية مجهولين بالشحاطات عندما كان متوجها من المرافق الى الشباك ...وتكون هذه المحاولة الثانيه لاغتياله بعد نجاته من ماسحة كانت مزروعة على جانب الطريق

ليش الخباز ينزع الساعة من يعجن ؟ علمود الدقيق لا يتحارش بالدقيقة

كردي كاعد من النوم كال حلمت فات برجلي بسمار كاله صديقة صوجك ليش تنام حافي

مره مصلاوي ديمشي هو وابنه:شافوا جنازه ومره دتصيح اويلي عليك يابه راح تروح بمكان مابي لااكل ولاشرب_فكال الولد لبوه :بابا شنو راح يودوا البيتنه؟؟؟؟؟؟

دليمي گلله الطبيب: يوميه تمشي 10 كيلومترات... خابره وره شهرين گلله دكتور آني هسه بعرعر... أرجع لو أطلع گكبل؟؟

واحد ديسافر بالماطور امه كلت له ابني روح الله و محمد و علي وياك كللها لايمه الماطور ميكفي
طبيب دخل قاعة مجانين شاف مجنون يكول اني نبي عيسى وشاف الثاني يكول اني نبي محمد والثالث يكول اني نبي موسى، وبقية المجانين كلهم يكولون اني فلان نبي .ماعدا واحد ساله طبيب ؟ انت ليش مو مثل جماعتك جاوبه المجنون. كلهم كذابين . الطبيب.ليش جذابين . المجنون جاوبه وكال اني ابد ما دّزيت هذوله الأنبياُُء

دليمي أول مرة يشوف واحد فلبيني.. كال نياله هذا شبعان نوم

محشش اشترة نفط مرته كالتله منين جبت فلوس .................... كال بعت الصوبة

نمر فاتت من كدامه بزونه تلحك فارة كال ايباااااه شكد حلوة ايام الابتدائيه


واحد وكف تكسي ، جان ابو التكسي يكله : شوف شرق بغداد ماروح اختطافات، غرب بغداد ماروح اغتيالات ، شمال بغداد ماروح مداهمات ، جنوب بغداد ماروح اعتقالات ، وين تريد اوديك خوية؟؟

واحد ديكول لصاحبه : شصار بالعركة بينك ويبن مرتك البارحة؟؟ كله : ههههههههه ...اصلا جتي يمي و ركعت كدامى !!كله صاحبه : صدك زين شكالتلك ؟ كله : كالتلي : اطلع من جوة الجرباية يا جبان

محشش شايل كونية شكر ورايح للحدود....ليش؟؟؟؟ يكولون الغربة مرة

مصلاوي ببيت خطيبتة كاعدين وطفت الكهرباء كالتلة خطيبتة يللة فرصتك كام فرغ ماعون الكرزات بجيبة

كردي ذبح اولاده سالوه ليش ؟ كال كاكه عسافير بالجنه احسن من زمايل بالدنيا


واحد راح يحج شاف الناس تشمر حجار گال: أيّباااااااه.......لهنا وصلت إسرائيل؟


قال احد الحكماء : مارايت ابخل من ثلاثة - رجل ترك القصور وسكن العشاش - ورجل نام على الارض ولدية الفراش قيل لة ثم من ؟ فاادمعت عيناة وقال :- وصديق لايرسل (اوف لاين ) وهو ببلاش
ما اسميك كهرباء يقطعونك ما اسميك حصه يأخرونك اسميك مفخخه بكل مكان يخلونك

واحد محشش منع زوجته من زيارة اهلها خوفا عليه من انفلونزا الطيور كالتله بس اهلي ما عندهم لا بط ولا دجاج ولا طيور قال لها بس امك بومة

واحد صديقه خابره وهو ميريد يشيل التليفون دزله مسج وكله نسيت موبايلي بالبيت"

واحد سأل زوجته اذا متت راح تتزوجين بعدى قالت إنشاء الله عمرك طويل >بعد ما صر عليها قالت طبعا فقال الها هم راح اطبخين له الأكلات الفلانيه و بدء >يعدد وهيه تقول إنشاء الله عمرك طويل إلى أن سئل راح تطبخين له بامية قالت لا >قال ليش قالت لان ما يحب البامية


مصلاوي دا يصبغ بيته صبغ نص البيت والنص الثاني كتب عليه نفس اللون

قزم راح يفصل قاط گل للخياط: شوكت أجي عليه؟ گلله أخذلك فره بالسوگ وتعال

سوداني جاله ولد ...أبيض وعيونه زرق وشعره حرير...سماه ...لا مستحيل




سألوا ميكانيكي عن أفضل المطربين قال: مايكل داتسون ومازدا الرومي وسكودا الشمالي وأودي مرقدي ودوج وسّوف

ترقبو جديد السينما المصلاويه: 1_ضاع الجزدان (فلم مأساوي) 2_ديناري وقع بالبلوعه (مغامرات) 3_دايني فلوس (فلم خيالي) 4_المبذرون (فلم رعب


فد يوم دليمي جاب كردي وياباني وخلاهم بالجدر على النار ,ليش ؟؟؟ ديشوف هل يستوي الذين يعلمون والذين لا يعلمون

محشش راح لهولندا لمن رجع اخوه سأله شفت هناك؟كال:من كثر المزارع اللي هناك بس يعجبك تصير طلي


سألوا واحد سكير! كلولة ماهي فائدة الشرب كللهم سألوا واحد سكير! كلولة ماهي فائدة الشرب كللهم يقوي البصر كلولة شلون يقوي البصر كال اشوف الواحد ثنين
واحد ترك الصلاة أيام الإمتحانات.. گال: أريد أعتمد على نفسي


الحب بلا حبيب كا المستشفى بلا طبيب ...... الزوج بلا زوجه كا الراديو بلا موجه ...... الحياة بلا امل كا المصري بلا عمل
مدرس سأل طالب حشاش ..انته لويش تنام اول درسين ؟؟؟ الطالب كله حتة اسهر بأخر درسين
انتة اغلى من نور العين انتة اغلى من سور الصين بس مو اغلى من 5 لترات بانزين
ناصرية يغني كوم اوكف وانت بتكلمني وكال اهديها لجميع المشلولين

واحد جندي اسمه ثابت... الضابط كل ميصيح ثابت هو يصيح نعم سيدي... الضايط يكله ابني مو عليك يعني ثبتو... الضابط رادو يزوروه مسؤولين كال هذا يفشلني.. كله هاك اجازه شهر.. اجو الزوار صاح ثابت الجنود كلهم صاحوا مجاز سيدي


وحدة كرديه إتصلت بموظف البدالة وكالت له : أريد رقم الطوارئ .. كال لها : إتصلي على ثلاث تسعات .. كالتله : بس تلفوني مابيه غير تسعه وحده .. كال لها وهو مستهزئ : شبيج إنتي كرديه .. قالت : اي شنو عندكم كاشف !!!!!!

دليمي كاعد عالشط شاف واحد يغرق كلما يرفع ايده يكول له وعليك السلام


: تعلن شركة التبريد العراقية وبمناسبة قدوم فصل الصيف عن طرح انتاجها من مهافيف نوع حياتي عذاب اتوماتيكية العمل وتحت شعار (( توكل على الله وهفي بيدك محد يفيدك



مصلاوي حط فلوس بالبنك يومية يفوت باليل بيدة طبل حتة الحارس لينام

ثنين محششين بالمقبرة اجتي الشرطة عليهم واحد طفر الثاني كلهم اني ميت بس طالع اتمشى


اكلج ...حركات البارحة متوقعتها منج وعلى العموم ماكو داعي تتأسفين واذا هي جانت حقارة منج فكافي ترة مليت أني مو لعبة بيدج...محشش ديحجي وية ذبانة

غبي راح يخطب ... جابو له شااي فيه ورق ليبتون قال: حلو... حلو ...من اولها

طفل قال لمعلمتة : تدرين ست ؟ اني احبج ؟ وبلكي ازوجك ؟ فالمعلمة كالت لة :بس اني ماحب الجهال.....ردعليها الطفل : مو مشكلة

مره واحد كردي ساكن ابطابق الخامس لمن نزل جوه اتذكر هوه ناسي المناضر. كال المرته شمريلي المناضر والجفيه . فهيه شمرت المناضر جان تنكسر كلهه خلي الجفيه اني حصعد اخذهه

محشش لزمته دوريه كلوله اصعد كللهم لا والله البيت قريب



صرصور طلع من خلاط كهربائي قال انعل ابوه الي يدخل ملاهي مرة ثانية

: ترص ايدك واعاني من رصيدك وانا الصياد واحلم مرة اصيدك اذا سنتات ظلن من رصيدك دخيلك بالجذب رمش علية
محشش طلبت منه المحكمة اوراق ثبوتية البيت جابلهم صورته ديغسل الكراج

واحد اسمة مفتاح مات اهلة ما زعلو ليش؟عدهم نسخة ثانية
فد يوم واحد واحد سال ابو كلة بابا تعرف تكتب بالظلمة كلة اي ليش؟كلة لعد طفة الضوة و وقع على شهادتي


واحد ديفيك على أبنه كله: أبني نابليون من جان بعمرك جان دائما يطلع الاول.. ابنه هم طلع محشش فجاوبه كله:بابا و نابليون من جان بعمرك جان امبراطور


واحد اتزوج وحدة ورة اربع اشهر ونص خلفت .. فصار عصبي كاللها ولج شلون تخلفين واحنا صارلنا اربع اشهر و نص بس متزوجين .. كلتله شبيك حبيبي عادي , اني صارلي اربع اشهر و نص متزوجتك و انت صارلك اربع اشهر ونص متزوجني .. صاروا تسع اشهر , كللها هااااا اي صح , همزين اله شوية وابدي اشك بيج

سوداني ينظف المسجد قال له االامام: بيض الله وجهك قال السوداني: ماكو امل

اكو بطة راحت للعطار كلتلة عندك عنب كال لا ثاني يوم راحت للعطار كالتلةعندك عنب كال الها اذا جيتي مرة ثانية ادك رجليج بلبسامير ثالث يوم هم اجتة كلتلةعندك بسامير؟ كال الها لا كالتلة زين عندك عنب
دليمي معزوم بعيد ميلاد من خلصت الحفله گللهم: ياجماعه عود باجر عيد الميلاد عليّه

حشش يسال واحد اصلع انت ليش اصلع كله من ورا الزمن كله بعد لاتزين يمه

سألت المعلمة التلميذ شنستفاد من الديك؟ قال:ناكل لحمه. قالت وبعد: قال التلميذ: ونستفاد من الريش نسوية مخده. قالت: وبعد؟ قال: وبس. قالت: لعد منو الحيوان الي يكعدك الصبح؟ قال : ابوية

محشش يسأل صديقه : تخيل تكوم الصبح تلكى نفسك ميت ؟؟!! كااله : والله آنتحر

مرة حبيبين ديتمشون ...كالتله: حبيبي؟ كلي كلمة حلوة توكف قلبي ... كالها: اخوج وراج

واحد كردي طبو عليه مليشيات ذبحوا اخوته وخواته ومرته وامه وابوه واولاده وهو بس يضحك كبل ميكتلوه كلولوه انته ليش تضحك؟؟؟؟ كللهم ولله كاكا اني يعرف هذا كامرا خفيه[/B][/B]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكات تحشيشية لا تفوتكم والله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طلاب الجامعات العربية :: منتيدات الفرفشه والتعارف :: منتدى النكت والضحك-
انتقل الى: